Prezident Shavkat Mirziyoyev tomonidan tadbirkorlik subyektlariga nisbatan jarima qo‘llash amaliyotini tanqidiy qayta ko‘rib chiqish, mas’ul rahbarlarning yondashuvini o‘zgartirish hamda ortiqcha byurokratik to‘siqlarni qisqartirish bo‘yicha berilgan topshiriqlar mamlakatimizda biznes muhitini yanada yaxshilashga qaratilgan muhim qadamdir.

🌏Deputat sifatida bu tashabbusni to‘liq qo‘llab-quvvatlayman. Har bir jarima yoki ma’muriy cheklov tadbirkorning faoliyatiga, yangi ish o‘rinlari yaratilishiga, ishlab chiqarish hajmiga va eksport salohiyatiga qanday ta’sir ko‘rsatishini chuqur tahlil qilish zarur. Asosiy maqsad tadbirkorni jazolash emas, balki uning qonuniy faoliyat yuritishi uchun qulay sharoit yaratishdan iborat bo‘lishi kerak.

🌏Shuningdek, import bojlari, turli yig‘imlar va ortiqcha byurokratik tartib-taomillarni qayta ko‘rib chiqish ichki bozor raqobatbardoshligini oshirish, investitsiyalarni jalb etish hamda mahalliy ishlab chiqaruvchilarni qo‘llab-quvvatlashga xizmat qiladi.

🌏Mahalliy Kengash deputatlari ham hududlarda tadbirkorlar bilan doimiy muloqotni kuchaytirib, ularni qiynayotgan muammolarni o‘rganish, asossiz ma’muriy to‘siqlarni bartaraf etish va biznes rivojiga to‘sqinlik qilayotgan omillar yuzasidan tegishli tashkilotlarga deputatlik nazoratini amalga oshirishda faol ishtirok etishlari zarur. Zero, kuchli tadbirkorlik – barqaror iqtisodiy o‘sish, yangi ish o‘rinlari va aholi farovonligining eng muhim omillaridan biridir.

Xalq deputatlari Jondor tumani Kengashi deputati Sh.Boboyev