"Obod yurt" mahallasida infratuzilma holati deputatlik nazoratiga olindi

Xalq deputatlari Bandixon tuman Kengashi kotibiyati mudiri A.Pardayev mahalliy Kengash deputati faoliyatining eng muhim 24 ta yo‘nalishi bo‘yicha tavsiyalar ijrosi doirasida "Obod yurt" mahallasida o‘rganish ishlarini olib bordi.

🔹 O‘rganishlar davomida mahalla ichki ko‘cha yo‘llarining bugungi holati ko‘chama-ko‘cha yurib, bevosita joyiga chiqqan holda batafsil tahlil qilindi. Yo‘llarning texnik holati, aholining kundalik harakatlanishi uchun yaratilgan sharoitlar hamda mavjud muammolar o‘rganildi.

🔹 Shuningdek, fuqarolar xavfsizligini ta’minlashda muhim ahamiyat kasb etuvchi ko‘chalarning tungi yoritilishi, yoritish tarmoqlarining ishlash holati va mavjud chiroqlarning sozligi alohida nazoratdan o‘tkazildi.

🔹 O‘rganish yakunlari bo‘yicha aniqlangan kamchiliklarni bosqichma-bosqich bartaraf etish, mahalla yo‘l-transport infratuzilmasini yanada yaxshilash hamda tungi yoritish tizimini takomillashtirish yuzasidan aniq vazifalar belgilab olindi.

🔹 Bundan tashqari, mahallada obodonlashtirish ishlarini jadallashtirish, mavjud muammolarni tezkor hal etish maqsadida mas’ul tashkilotlarga deputatlik so‘rovlari yuborish va ijro intizomini kuchaytirish bo‘yicha tegishli kelishuvlarga erishildi.

✅ Aholi uchun xavfsiz va qulay yashash muhitini yaratish, hududlar infratuzilmasini yaxshilash hamda fuqarolar murojaatlarida ko‘tarilayotgan masalalarga amaliy yechim topish borasidagi bunday o‘rganishlar izchil davom ettiriladi.