Xalq deputatlari Chilonzor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi tomonidan tumandagi 38-oilaviy poliklinika faoliyati joyiga chiqqan holda atroflicha o‘rganildi.

O‘rganish davomida tibbiyot muassasasida aholiga ko‘rsatilayotgan birlamchi tibbiy-sanitariya xizmatlarining sifati, shifokor va o‘rta tibbiyot xodimlarining mehnat faoliyati, fuqarolarni qabul qilish va murojaatlar bilan ishlash tizimi, dori vositalari hamda tibbiy buyumlar bilan ta’minlanganlik darajasi, tibbiy asbob-uskunalardan foydalanish holati, sanitariya-gigiyena talablari hamda bemorlar uchun yaratilgan shart-sharoitlar batafsil tahlil qilindi.

Shuningdek, poliklinikada profilaktik tadbirlarni tashkil etish, aholi salomatligini mustahkamlash, onalar va bolalar salomatligini muhofaza qilish, surunkali kasalliklarga chalingan bemorlarni dispanser nazoratiga olish hamda tibbiy xizmatlar sifatini yanada oshirish masalalariga alohida e’tibor qaratildi.

O‘rganish yakunlari bo‘yicha aniqlangan kamchiliklarni bartaraf etish, tibbiy xizmatlar samaradorligini oshirish hamda aholiga ko‘rsatilayotgan tibbiy yordam sifatini yanada takomillashtirish yuzasidan mutasaddi tashkilotlar rahbarlariga tegishli tavsiya va takliflar berildi.

Xalq deputatlari Chilonzor tumani Kengashining doimiy komissiyasi tomonidan ijtimoiy soha obyektlari faoliyati ustidan deputatlik nazoratini amalga oshirish va fuqarolarning sifatli tibbiy xizmatlardan foydalanishini ta’minlash borasidagi o‘rganish ishlari izchil davom ettiriladi.