#Deputatlik_nazorati #24_ta_tavsiyaviy_savol #Kotibiyat_hududlarda

Ijtimoiy soha obyektlarining ta’mirtalab holati tahlil qilindi

🇺🇿 Xalq deputatlari Uchtepa tumani Kengashidagi agrar, qurilish, kommunal sohalar, ekologiya, sanoat va transport masalalari bo‘yicha doimiy komissiya raisi Avaz Xudayberganov tomonidan tumandagi ta’mirtalab ijtimoiy soha obyektlarining mavjud holati tahliliy ko‘rib chiqildi.

📇 Dastlabki manzil sifatida Bog‘iston mahallasi hududida joylashgan 244-sonli davlat maktabgacha ta’lim tashkiloti tanlandi.

🕯 Mazkur muassasada bolalar uchun yaratilgan shart-sharoitlar, bino va hudud infratuzilmasining holati hamda ta’mirlashni talab etayotgan yo‘nalishlar atroflicha ko‘zdan kechirildi.

📊 Tahlil natijasida muassasaga kirish hududidagi asfalt qoplamalari yillar davomida foydalanish natijasida ta’mirtalab holga kelgani, bino tom qismi shifer qoplama bilan qoplanganligi, bolalar yozgi ayvonlarini yangilash zarurligi aniqlandi. Shuningdek, binoning ichki va tashqi fasadini ta’mirlash, isitish tizimini yangilash hamda kanalizatsiya quvurlarini almashtirish bo‘yicha amalga oshirilishi lozim bo‘lgan ishlar belgilandi.

📈 Aniqlangan muammolarni bartaraf etish, muassasada bolalar uchun yanada qulay va xavfsiz sharoitlar yaratish maqsadida zarur takliflarni shakllantirish hamda moliyalashtirish manbalarini belgilash masalalariga e’tibor qaratildi.

📝 Shu munosabat bilan O‘zbekiston Respublikasi Oliy Majlisi Senati Kengashining 2024-yil 30-yanvardagi KQ–666-IV-son “Tashabbusli budjet jarayonlarini o‘tkazish hamda moliyalashtirish tartibi to‘g‘risidagi nizomni tasdiqlash to‘g‘risida”gi qarori talablari asosida mazkur muammolarni hal etish bo‘yicha takliflarni tayyorlash va belgilangan tartibda tashabbusli budjetning yangi mavsumiga kiritish yuzasidan tavsiyalar berildi.

🧠 Mazkur tahliliy ko‘rib chiqish natijasida ijtimoiy soha obyektlaridagi mavjud kamchiliklarni bartaraf etish, ularning moddiy-texnik bazasini yaxshilash hamda aholiga ko‘rsatilayotgan xizmatlar sifatini oshirish bo‘yicha tegishli chora-tadbirlar belgilandi.