Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Milliy tiklanish” partiyasidan saylangan deputat F.Axmedov tomonidan tumanning “S.Raximov” mahallasiga biriktirilgan ijtimoiy xodim M.Sharidinova faoliyati o‘rganildi.

O‘rganish davomida aholining ijtimoiy himoyaga muhtoj qatlamini qo‘llab-quvvatlash, ehtiyojmand oilalar bilan manzilli ishlash, nogironligi bo‘lgan shaxslar, keksalar, yolg‘iz yashovchi fuqarolar hamda og‘ir ijtimoiy vaziyatga tushib qolgan oilalarga ko‘rsatilayotgan amaliy yordam holati tahlil qilindi.

Deputat ijtimoiy xodim tomonidan yuritilayotgan hujjatlar, murojaatlarni qabul qilish va ularni hal etish bo‘yicha amalga oshirilayotgan ishlar, ijtimoiy xizmatlarga muhtoj fuqarolarni aniqlash, ularning muammolarini tegishli tashkilotlar bilan hamkorlikda hal etish mexanizmi bilan tanishdi.

O‘rganish davomida ijtimoiy xizmatlar sifatini yanada oshirish, har bir ehtiyojmand fuqaro bilan manzilli ishlash, muammolarni o‘z vaqtida aniqlash va bartaraf etish hamda ijtimoiy himoya tizimi samaradorligini kuchaytirish bo‘yicha tegishli tavsiyalar berildi.