Deputat rayondaǵı jańadan qurılıp atırǵan tuwıw úyiniń qurılısı menen tanıstı

✅Xalıq deputatları rayonlıq Keńesi sekretariat baslıǵı M.Zarikeev rayonda qurılıp atırǵan jańa tuwıw úyiniń imaratında bolıp, qurılıs jumıslarınıń barısı menen jaqınnan tanıstı.

Qurılıstıń búgingi jaǵdayı, orınlanıp atırǵan jumıslardıń sapası, joybar tiykarında alıp barılıp atırǵan dóretiwshilik jumısları hám obektti belgilengen múddette paydalanıwǵa tapsırıw máseleleri boyınsha juwapkerler menen sáwbetlesti.

Sonday-aq, qurılısta paydalanılıp atırǵan qurılıs materiallarınıń sapası, miynetti qorǵaw qaǵıydalarına ámel etiliwi hám jumıslardıń belgilengen reje tiykarında ámelge asırılıwına ayrıqsha itibar qaratıldı.

Deputat tárepinen obektti óz waqtında hám sapalı juwmaqlaw, keleshekte xalıqqa zamanagóy, qolaylı hám sapalı medicinalıq xızmet kórsetiw ushın barlıq zárúr sharayatlardı jaratıw áhmietli ekenligi atap ótildi.

Bul qurılıs jumısları deputatlıq qadaǵalaw sheńberinde turaqlı úyrenip barılatuǵını belgilendi.