Xalq deputatlari Sardoba tumani Kengashi deputati S.Abduvaliyeva Sardoba tumanidagi Navruz mahallalarida pilla yigʼim-terimi ishlari uyushqoqlik va yuqori masʼuliyat bilan davom etmoqda. Hududlarda pilla yetishtiruvchilar tomonidan mavsumni samarali tashkil etish, yetishtirilgan hosilni sifatli topshirish borasida tizimli ishlar amalga oshirilmoqda.
Bugungi kunda mamlakatimizda pillachilik sohasini rivojlantirishga alohida eʼtibor qaratilmoqda. Soha vakillarini qoʼllab-quvvatlash, pilla boquvchilar uchun qulay shart-sharoitlar yaratish hamda qoʼshimcha imtiyozlar berish orqali aholi bandligi va daromadini oshirishga keng imkoniyatlar yaratilmoqda.
Pilla hosili — dehqonchilik mavsumining dastlabki barakali hosili sifatida qadrlanadi. Uning moʼl va sifatli yetishtirilishi nafaqat iqtisodiy samaradorlikni, balki qishloq ahlining fidokorona mehnati va zahmatini ham namoyon etadi.
Tumanda pillachilik sohasini yanada rivojlantirish, sohada mehnat qilayotgan fuqarolarni har tomonlama qoʼllab-quvvatlash borasidagi ishlar izchil davom ettirilmoqda.