Sport infratuzilmasini rivojlantirish ishlari deputatlik nazorati doirasida o‘rganildi

📂 Xalq deputatlari Uchtepa tumani Kengashi deputatlarining 24 talik tavsiyalari ijrosi doirasida mahallalarda bolalar va yoshlar uchun sport infratuzilmasini rivojlantirish, sport maydonchalari hamda ularga tutash hududlarning holati joyiga chiqqan holda o‘rganildi.

🗂 Mazkur o‘rganish O‘zbekiston Respublikasi Prezidentining 2026-yil 5-fevraldagi PQ-48-son qarori ijrosini ta'minlash hamda xalq deputatlari Uchtepa tumani Kengashining 2026-yil 3-apreldagi III-27-29-14-202-K/26-sonli qarori bilan tasdiqlangan Manzilli dasturning ijrosi doirasida amalga oshirildi.

💼 O‘rganishda xalq deputatlari Uchtepa tumani Kengashiga O‘zbekiston "Adolat" SDPdan saylangan "5-O'tkir" okrugi deputati Ibrohimjon Abdullayev, xalq deputatlari Uchtepa tumani Kengashi kotibiyati mudiri Anvar Usmanov, bosh mutaxassis Umidbek Abilov hamda "mahalla yettiligi" a'zolari ishtirok etdi.

🕯 Joyiga chiqib o‘rganish davomida O‘tkir mahallasi, Taqachi ko‘chasi, 28-uy hududida barpo etilishi rejalashtirilgan bolalar sport maydonchasi, unga olib boruvchi piyodalar yo‘laklari hamda asfalt qoplamasi yotqizilishi ko‘zda tutilgan hududlar ko‘zdan kechirildi.

📝 Loyiha doirasida hududni obodonlashtirish, bolalar va yoshlar uchun zamonaviy hamda xavfsiz sport maydonchasini barpo etish, piyodalar harakati uchun qulay sharoit yaratish yuzasidan amalga oshirilayotgan ishlar muhokama qilinib, mas'ullarga tegishli tavsiya va takliflar berildi.

🗣 Ta'kidlanganidek, mazkur ishlar mahallalarda sport infratuzilmasini rivojlantirish, bolalar va yoshlarning bo‘sh vaqtini mazmunli tashkil etish, ularni sog‘lom turmush tarziga keng jalb qilish hamda aholi uchun qulay va xavfsiz muhit yaratishga xizmat qiladi.