Xalq deputatlari Chinoz tumani Kengashiga O‘zLiDeP partiyasidan 1-Markaz saylov okrugidan saylangan deputat E.Saidov nomidan Kengash kotibiyati bosh mutaxassisi D.Ulug‘bekova tomonidan Kengash ish rejasiga muvofiq Xo‘ja MFYda o‘rganish ishlari olib borildi.

📋 O‘rganish davomida mahalladagi hokim yordamchisi E.Shertoyev tomonidan aholini kambag‘allikdan chiqarish, bandligini ta’minlash hamda tadbirkorlikni rivojlantirish borasida amalga oshirilayotgan ishlar samaradorligi tahlil qilindi.

💼 Jumladan, 6 ta oilaviy tadbirkorlik subyektiga ko‘mak berilgan bo‘lib, 11 nafar fuqaroga “Biznesga birinchi qadam” bank-kredit dasturi doirasida mahalla loyihalari ajratilgan.

👥 2026-yil davomida belgilangan maqsadli ko‘rsatkichlar asosida 25 nafar fuqaro doimiy ish o‘rinlari bilan ta’minlangan.

🤝 Mahalladagi “Jamg‘arma reyestri”da ro‘yxatda turuvchi jami 75 nafar fuqarodan 31 nafariga hokim yordamchisi tomonidan turli ijtimoiy-iqtisodiy xizmatlar ko‘rsatildi.

🎓 Shuningdek, 17 nafar fuqaro kasb-hunarga o‘qitish kurslariga yo‘naltirilib, ulardan 14 nafari 3 oylik o‘quv kurslarini muvaffaqiyatli tamomladi.

🏭 Yil boshidan ajratilgan mikroloyihalarning 6 tasi bugungi kunga qadar amaliyotga joriy etilib, faoliyatini boshlagan.

🧵 Bundan tashqari, 1 nafar fuqaroning subsidiya asosida tikuv mashinasi olish bo‘yicha arizasi yakuniy bosqichga o‘tkazilgan.

✅ O‘rganish yakunlari bo‘yicha hokim yordamchisi tomonidan amalga oshirilayotgan ishlar yuzasidan tegishli xulosalar chiqarilib, aholi bandligini oshirish, kambag‘allikni qisqartirish va tadbirkorlikni rivojlantirish bo‘yicha vazifalar belgilab olindi.