O‘rganishlarda maktabning yangi o‘quv yiliga tayyorgarlik holati, sinf xonalari va hududlarda olib borilayotgan ta’mirlash hamda obodonlashtirish ishlari, moddiy-texnik baza, kuz-qish mavsumiga tayyorgarlik masalalariga alohida e’tibor qaratildi.
Ta’lim muassasasida yuritilayotgan hujjatlarning qonunchilik talablariga muvofiqligi, ichki buyruqlar, pedagogik kengash hujjatlari, davomat va nazorat jurnallari, mehnat muhofazasi hamda xavfsizlikka oid hujjatlarning yuritilish holati ham atroflicha ko‘zdan kechirildi.

Mazkur o‘rganishlar ta’lim muassasalarida qonun ijrosini samarali ta’minlash, mavjud muammolarni manzilli hal etish hamda o‘quvchilar uchun zamonaviy va munosib ta’lim sharoitlarini yaratishga xizmat qilmoqda.