Халқ депутатлари Миробод туман Кенгаши депутати А.Ахмедовнинг “Салор” МФЙда бўлиб ўтган қабулида, махалла раиси Р.Умургазин ва ижтимоий ходим томонидан Амир Темур шоҳ кўчаси, 51-уйда яшовчи 1-гурух ногирони Анатольевнанинг хонадони таъмирталаблиги, ногиронлиги сабабли қабулга шахсан келмагани тўғрисида маълумот бериб, мурожаатчини уйига бориб учрашиш таклифини билдирганди.

Мазкур масалани жойида ўрганиш ва хал этиш мақсадида, депутат А.Ахмедов, махалла раиси Р.Умургазин, ижтимоий ходим иштирокида фуқаро Т.А.Чернованинг яшаш манзилига бориб, яшаш шароити, хонадон таъмирга мухтожлиги ўрганилди.

Депутат А.Ахмедов ўрганиши жараёнида Миробод тумани “Инсон” ижтимоий хизматлар маркази директори К.Рустамов билан боғланиб, масалани ечими юзасидан халқ депутатлари Миробод туман Кенгашининг навбатдаги сессияси мухокамасига таъмирлаш ишлари бўйича асосланган хужжатлар тўпламини тақдим этиши, таъмирлаш ишлари учун Кенгаш қарори билан туман ҳокимлиги ҳузуридаги “Инфратузилма ва ижтимоий барқарорлик” жамғармасига “Саховат ва кўмак”, “Ёшлар дафтари” ва “Аёллар дафтари” жамғармаларининг ҳар биридан маблағ ажратиш тўғрисида депутат билан биргаликдаги таклиф киритишини сўради.

Кенгаш ўз навбатида 24-апрелда бўлиб ўтадиган сессиясида ушбу масалани мухокама қилиб, Т.А.Чернованинг ва шу каби бошқа хонадонларни таъмирлаш ишларига маблағ йўналтирилиши тўғрисида ижобий қарор қабул қилишини мурожаатчи Т.А.Черновага хамда махалла раисига маълум қилди.

Ўзбекистон Республикаси Президентининг2025-йил 30-январдаги “Аҳолини ижтимоий ҳимоя қилиш тизимини молиялаштириш тартиб-таомилларини такомиллаштириш тўғрисида”ги ПФ-17-сон Фармони ҳамда 2026-йил 5-февралдаги “2026-йилда ҳудудларни янгича ёндашувлар асосида ривожлантириш орқали аҳоли даромадини ошириш, барқарор иш ўринларини яратиш ҳамда камбағалликни қисқартириш чора-тадбирлари тўғрисида”ги ПҚ-49-сон Қарорига асосан Ўзбекистон Республикаси Президенти ҳузуридаги Ижтимоий ҳимоя миллий агентлиги, Иқтисодиёт ва молия вазирлиги, Энергия самарадорлиги миллий агентлиги, Қурилиш ва уй жой коммунал хўжалиги вазирлиги, Оила ва хотин-қизлар қўмитаси, Ёшлар ишлари агентлигининг қўшма қарори, Энергия самарадорлиги миллий агентлигининг 2026-йил 11-мартдаги 01-13/402-сонли ва Ижтимоий ҳимоя миллий агентлигининг 2026-йил 11-мартдаги 05/22/2138-сонли қўшма хати.

📌 Энди сессия қарори ва натижани кутамиз, бизни ижтимоий тармоқларда кузатиб боринг.