Xalq deputatlari Tuproqqal’a tuman Kengashi deputati A. Ahmedov tomonidan 18-Oybek saylov okrugi hududida aholini bepul dori-darmonlar bilan ta’minlash holati o‘rganildi.

O‘rganish jarayonida Sayapr mahallasida joylashgan “Ko‘p tarmoqli markaziy poliklinika”ning Sayapr filialida jami 4 757 nafar aholiga tibbiy xizmat ko‘rsatilayotgani aniqlandi. Shundan 2 344 nafarini ayollar tashkil etadi.

Shuningdek, O‘zbekiston Respublikasi Vazirlar Mahkamasining 2025-yil 19-iyundagi 382-sonli qaroriga muvofiq, ya’ni birlamchi tibbiy sanitariya yordami muassasalarida davlat byudjeti hisobidan qoplanadigan kafolatlangan tibbiy yordam hajmlariga asosan, hozirda 127 nafar fuqaroga bepul dori vositalari yetkazib berilayotgani ma’lum bo‘ldi.

Mazkur o‘rganish davomida aholining dori-darmonlarga bo‘lgan ehtiyojini to‘liq qondirish, mavjud muammolarni aniqlash va ularni bartaraf etish yuzasidan tegishli tavsiyalar berildi.