Mazkur qarorga muvofiq, Osiyo Taraqqiyot Banki ishtirokida amalga oshirilayotgan “Toshkent viloyati shahar va tumanlarida ichimlik va oqova suv tizimlarini qurish hamda rekonstruksiya qilish (3-bosqich)” loyihasi doirasida Chinoz tumanida olib borilayotgan ishlarning bugungi holati tahlil qilindi. Xususan, qarorning 4-ilovasi 5-bandida belgilangan topshiriqlar ijrosi, qurilish ishlari sifati, belgilangan muddatlarga rioya etilishi hamda aholini sifatli ichimlik suvi bilan ta’minlash borasidagi chora-tadbirlar yuzasidan mas’ul mutasaddilar bilan joyida muloqot o‘tkazildi.

O‘rganish jarayonida aniqlangan masalalar yuzasidan tegishli tavsiyalar berilib, ishlarni jadallashtirish, sifat va samaradorlikni oshirish hamda loyihaning belgilangan muddatlarda to‘liq yakunlanishini ta’minlash bo‘yicha aniq vazifalar belgilab olindi.

Mazkur loyiha hudud infratuzilmasini yanada yaxshilash, aholini toza ichimlik suvi bilan uzluksiz ta’minlash va turmush farovonligini oshirishga xizmat qilishi bilan ahamiyatlidir.