Xalq deputatlari Jalaquduq tuman Kengashi deputati Zulfiyaxon G`ofurova o`z saylov okrugi hududida joylashgan Uzunko`cha MFY aholi vakillari bilan uchrashuv o`tkazdi. Mazkur uchrashuv ochiq muloqot shaklida tashkil etilib, unda mahalla faollari, nuroniylar, yoshlar hamda xotin-qizlar ishtirok etdilar. Uchrashuv davomida bugungi kunda yurtimizda amalga oshirilayotgan keng qamrovli islohotlar, xususan, Prezidentimiz tomonidan olib borilayotgan oqilona siyosatning mazmun-mohiyati haqida atroflicha so`z yuritildi. Ayniqsa, “inson
qadri uchun” tamoyili asosida xalqni rozi qilish, kambag`allikni qisqartirish, qo`shimcha ish o`rinlari yaratish, aholi daromadlarini oshirish va turmush sharoitlarini yaxshilash borasida belgilangan ustuvor vazifalar haqida tushunchalar berildi. Deputat tomonidan hududda aholi bandligini ta`minlash, tadbirkorlikni qo`llab-quvvatlash, oilaviy biznesni rivojlantirish hamda yoshlar va xotin-qizlarni kasb-hunarga o`qitish orqali daromad manbalarini kengaytirish masalalariga alohida e`tibor qaratildi. Shuningdek, davlat dasturlari doirasida ajratilayotgan imtiyozli kreditlar, subsidiya va grantlardan samarali foydalanish yuzasidan tavsiyalar berildi. Muloqot davomida
aholi tomonidan ko`tarilgan muammolar va takliflar ham tinglandi. Ayrim masalalar joyida hal etildi, boshqalari yuzasidan tegishli tashkilotlar bilan hamkorlikda chora ko`rish bo`yicha rejalar belgilandi. Uchrashuv yakunida deputat saylovchilar bilan doimiy muloqotni yo`lga qo`yish, hududdagi ijtimoiy-iqtisodiy muammolarni bosqichma-bosqich hal etish hamda belgilangan vazifalar ijrosi ustidan samarali deputatlik nazoratini amalga oshirish ustuvor vazifa ekanini ta`kidladi. Bunday ochiq muloqotlar aholi ishonchini mustahkamlash va mahallada ijtimoiy faollikni yanada oshirishga xizmat qiladi.