Xalq deputatlari Termiz tuman Kengashi deputati 1-Xalqabod saylov okrugidan saylangan deputat N.Ruziyeva o‘zi saylangan hududda navbatdagi saylovchilar bilan uchrashuv bo‘lib o‘tdi. Uchrashuvda hudud fuqarolari bilan bevosita muloqot qilinib, ularning muammolari va takliflari tinglandi, mavjud vaziyat yuzasidan fikr almashildi.

Uchrashuv yakunida deputat 2025 yil davomida hududda amalga oshirilgan ishlar bo‘yicha atroflicha axborot berdi. Ushbu axborotda bajarilgan loyihalar, amalga oshirilgan tadbirlar, ko‘rilgan choralar va erishilgan natijalar bayon etildi. Shuningdek, hududdagi ijtimoiy va iqtisodiy sohalarda amalga oshirilgan ishlar tahlil qilindi, aniqlangan muammolar va kamchiliklar yuzasidan ma’lumot berildi.

Uchrashuv davomida fuqarolar tomonidan bildirilgan tavsiyalar va takliflar qayd etildi, ularni keyingi ish faoliyatida inobatga olish hamda amalga oshirish bo‘yicha chora-tadbirlar ishlab chiqildi. Deputatning axboroti hamda fuqarolar bilan muloqot orqali hududiy faoliyat samaradorligini oshirish va belgilangan reja-grafik asosida ishlarni sifatli bajarish masalalari muhokama qilindi.