Deputat va mahalla yettiligi ishtirokida hududdagi kamchiliklar o‘rganildi

Xalq deputatlari Termiz tuman Kengashi 10-Yangi yo‘l saylov okrugidan saylangan deputat R.Shamanov va mahalla yettiligi vakillari bilan birgalikda hududlarga chiqib, mavjud muammolar va kamchiliklarni joyida o‘rganib chiqdi. O‘rganishlar davomida infratuzilmani yaxshilash, aholi turmush sharoitini yaxshilash maqsadida amalga oshirilishi lozim bo‘lgan ustuvor vazifalar belgilab olindi.

Xususan, aholiga toza ichimlik suvi yetkazib berish bilan bog‘liq muammolar alohida e’tiborga olinib, ushbu masalani hal etish yuzasidan tegishli tashkilot rahbari bilan birgalikda uchrashuv o‘tkazildi. Uchrashuv davomida mavjud muammolarni bartaraf etish, ichimlik suvi ta’minotini yaxshilash bo‘yicha aniq chora-tadbirlar muhokama qilinib, kelgusida bajarilishi lozim bo‘lgan ishlar yuzasidan kelishib olindi.

Shuningdek, murojaatnomada belgilangan vazifalarning ijrosini ta’minlash, ularni bosqichma-bosqich amalga oshirish hamda aholini muntazam xabardor qilib borish masalalari yuzasidan mas’ullar bilan hamkorlikda tizimli ishlar olib borilishi belgilandi.