🔹Keng ko‘lamli islohotlarning eng muhim vazifalaridan biri ham inson hayoti va farovonligini oshirishdan iborat. O‘zbekiston Respublikasi Prezidentining 2019-yil 30-oktabrdagi “2030-yilgacha bo‘lgan davrda O‘zbekiston Respublikasining atrof-muhitni muhofaza qilish konsepsiyasi”, 2021-yil 30-dekabrdagi “Respublikada ko‘kalamzorlashtirish ishlarini jadallashtirish, daraxtlar muhofazasini yanada samarali tashkil etish chora-tadbirlari” to‘g‘risidagi farmoniga muvofiq “Yashil makon” umummilliy loyihasi dasturlari hayotga jadallik bilan tadbiq etib kelinayapti. Uchko‘prik tumanining barcha hududlarida ekotizimlarni himoya qilish va tiklash, yashil maydonlarni kengaytirish borasida umummilliy loyiha doirasida muhim qadamlar qo‘yildi. “Yashil makon” umummiliy loyihasi doirasida ko‘rgazmali seminar tashkil etilgan kunning o‘zidayoq 5 ming tup mevali va manzarali ko‘chatlar ekildi. 

🔹Har bir hududda tuman Kengashi deputatlari, davlat xizmatchilari va faollar ishtirokida turli mevali, manzarali daraxt ko‘chatlari ekilib, yashil maydonlar soni ortib bormoqda. Tashabbuskor tumandoshlarimiz ham atrof-muhit musaffoligini ta’minlash, hududlarni bog‘-u bo‘stonga aylantirishga munosib hissa qo‘shmoqda. 

🔹Hozirda barcha qishloqlarda daraxt ekish bo‘yicha amal oshirilgan chora-tadbirlar bilan birga har yili kuz va bahor oylarida ekiladigan daraxtlar parvarishiga, ularning keyingi taqdiriga ham alohida e’tibor qaratilishi belgilandi. Loyiha doirasida tumanni qulay, ekologik toza va yashash uchun barcha imkoniyatlar mavjud bo‘lgan hududga aylantirish hamda ko‘kalamzorlashtirish darajasini yanada yaxshilash maqsadida mahalliy
kengash dputatlari, ko‘plab tashkilotlar, mahallalar, umuman, keng jamoatchilik bu savobli ishga hissa qo‘shish uchun astoydil sa’y-harakat qildilar. 

  Xalq deputatlari Uchko‘prik tumani Kengashi kotibiyati