Ушбу сессияда Халқ депутатлари туман Кенгаши раиси Валижон Адизов раислик
қилди. Ўзбекистон Республикаси Олий Мажлиси Қонунчилик палатасининг Халқаро
ишлар, мудофаа ва хавфсизлик масалалари қўмитаси раиси Улуғбек Шерматов
бошчилигида ишчи гуруҳи вакиллари, туман (шаҳар) Кенгашлари котибият мудирлари,
туман депутатлари, тегишли корхона ва ташкилот раҳбарлари иштирок этди.
Сессияда кун тартиби бўйича 2025-йилда маҳаллаларда хавфсиз муҳитни яратиш ва
ҳуқуқбузарликларнинг барвақт олдини олиш тизими самарадорлигини янада ошириш
бўйича чора-тадбирлар тўғрисида туман прокурори З.Барноев ахбороти, туман
ҳудудида хавфсиз муҳитни яратиш ва ҳуқуқбузарликларнинг барвақт олдини олиш
тизими самарадорлигини янада ошириш бўйича чора-тадбирлар тўғрисида тумани Ички
ишлар бўлими бошлиғи А.Икромовнинг ҳисоботи тингланди.
Шунингдек, сессия ишига таклиф этилган Ўзбекистон Республикаси Олий Мажлиси
Қонунчилик палатасининг Халқаро ишлар, мудофаа ва хавфсизлик масалалари
қўмитаси раиси Улуғбек Шерматов томонидан маҳаллаларда хавфсиз муҳитни яратиш
ва ҳуқуқбузарликларнинг барвақт олдини олиш тизими самарадорлигини янада ошириш
бўйича масъулларга бир қатор таклиф ва тавсиялар берилди.

✍️ Сессия якунида
кун тартибидаги масалалар юзасидан тегишли қарорлар қабул қилинди.