Nókis rayonı “Kerder” APJ aymaǵındaǵı 27-sanlı mektepte búgingi kúnde sociallıq tarmaqlar arqalı, tiykarınan sırtqı kúsh, hátteki, mámleketimizdiń ózinde de diniy isenim nıqabı astında jaslardı jawızlıqqa úndew jaǵdaylarınıń aldın alıw boyınsha úgit-násiyat jumısları alıp barıldı.

🔹 Ushırasıwǵa rayonlıq Keńes deputatları M.Begdullaev, N.Seytnazarov, “Aqmańǵıt tańı” gazetası redaktorı A.Xojanazarov, Nókis rayonı bas imam xatibi A.Salimov, Din isleri boyınsha komitettiń bas qánigesi D.Tawekelov, Ruwxıylıq hám aǵartıwshılıq orayı rayonlıq bólimi baslıǵı N.Toimbetovlar qatnastı. 

📌 Ilaj dawamında dúnyada ideologiyalıq gúresler, kiber hám ruwxıy qáwip-qáterler barǵan sayın kúsheyip atırǵan házirgi dáwirde balalar arasında úzliksiz tálim-tárbiya jumısların alıp barıwda xalqımız, ásirese, jaslar arasında, awızbirshilikti bekkemlew, jámiyettegi unamsız illetlerge, qáwip-qáterlerge qarsı gúresiw immunitetin qáliplestiriw tiykarǵı wazıypalardan ekenlıǵı haqqında sóz etildi.