Joriy yilning 14-aprel kuni Xalq deputatlari Parkent tumani Kengashiga 11-Qo`lichi saylov okrugidan saylangan deputat Yoqubov Farxod Maxkamovich o`zi saylangan okrugidagi “Qo`lichi” mahallasidagi saylovchilar bilan uchrashuv o‘tkazdi. Deputat F.Yoqubov o’z axborotida o’tgan davr mobaynida saylov okrugi hududida amalga oshirilgan va oshirilayotgan investitsiya dasturlari hamda tumanni ijtimoiy-iqtisodiy rivojlantirish dasturlari, o’tkazilgan Xalq deputatlari tuman Kengashi sessiyalarida va Doimiy komissiya yig’ilishlarida saylovchilar nomidan qatnashish xolati hamda yig’ilishlarda ko’tarilgan masalalar yuzasidan bildirilgan takliflar,
shuningdek yuborilgan deputat so’rovlari va ularning natijalari, jismoniy va yuridik shaxslardan kelib tushgan yozma va og’zaki murojaatlar bilan ishlash xolati, jamoatchilik bilan ishlash xolati, mahalla yettiligi bilan olib borilayotgan hamkorlik, deputatlik guruhidagi faoliyati, daputatning shaxsiy ish rejasida belgilangan vazifalar ijrosi hamda tumanda olib borilayotgan obodonlashtirish ishlari va boshqa masalalar bo’yicha ma`lumotlar berdi. Axborot yakunida saylovchilar tomonidan hududdagi yechimi topilmayotgan dolzarb muammolar bayon etildi.