🏛 Fuqarolar vakillari faoliyati o‘rganilmoqda
Xalq deputatlari Pastdarg‘om tumani Kengashining korrupsiyaga qarshi kurashish va xavfsizlik masalalari bo'yicha doimiy komissiyasi tomonidan “Fuqarolar vakillarining faoliyatini tashkil etish to‘g‘risidagi nizomni tasdiqlash haqida"gi O‘zbekiston Respublikasi Vazirlar Mahkamasining qarori (2017 yil 31 iyul, 561-son) yuzasidan hududlarda fuqarolar vakillari faoliyatini tashkil etish va ular zimmasiga yuklatilgan vazifalarning amaldagi ijrosini o‘rganish yuzasidan ishlar olib borilmoqda.
🔎 O‘rganish davomida fuqarolar vakillarining faoliyati, ularning aholi bilan ishlashi, fuqarolar vakillari yig‘ilishlarining tashkil etilishi, yig‘ilish bayonnomalarining yuritilishi hamda qabul qilingan qarorlarning ijrosi ko‘zdan kechirilmoqda.
🤝 Shuningdek, fuqarolar vakillarining:
🔹 kam ta’minlangan va ehtiyojmand oilalarni qo‘llab-quvvatlashdagi ishtiroki;
🔹 hududlarni obodonlashtirish, ko‘kalamzorlashtirish va sanitariya holatini yaxshilashdagi faoliyati;
🔹 kommunal xizmatlar sifati ustidan jamoatchilik nazoratini amalga oshirishdagi ishtiroki;
🔹 aholi murojaatlari va hududiy muammolarni aniqlash hamda tegishli tashkilotlarga yetkazish faoliyati;
🔹 mahalla komissiyalari bilan hamkorligi;
🔹 o‘z zimmasiga yuklatilgan vazifalar ijrosi yuzasidan har chorakda aholi oldida hisobot berishi holati o‘rganilmoqda.
📌 O‘rganish jarayonida aniqlangan kamchiliklarni bartaraf etish, fuqarolar vakillarining faoliyatini samarali tashkil etish hamda aholining mahalla hayotidagi ishtirokini kuchaytirish yuzasidan tegishli tavsiya va ko‘rsatmalar berilmoqda.
👥 Mazkur yo‘nalishdagi ishlar fuqarolar vakillarining faoliyatini tartibga soluvchi Nizom talablari ijrosi yuzasidan deputatlik nazorati doirasida davom ettiriladi.