#deputatlik_nazorati_Uchtepa #ekspert_guruhlari

TIBBIYOT MARKAZIDAGI QURILISH ISHLARI NAZORATDAN O‘TKAZILDI

🏢 Uchtepa tumanidagi “Ko‘kcha Oqtepa” mahallasi hududida joylashgan Respublika ixtisoslashtirilgan epidemiologiya, mikrobiologiya, yuqumli va parazitar kasalliklar ilmiy-amaliy tibbiyot markazida barpo etilayotgan yangi zamonaviy tibbiyot majmuasida olib borilayotgan qurilish ishlari joyiga chiqib o‘rganildi.

💼 O‘rganishda Xalq deputatlari Uchtepa tumani Kengashi kotibiyati mudiri Anvar Usmanov, kotibiyat bosh mutaxassisi Umidbek Abilov hamda ekspert guruhi a'zosi Alisher Giyasov ishtirok etdi.

🗂 Ma’lumotlarga ko‘ra, mazkur loyiha O‘zbekiston Respublikasi Prezidentining 2025-yil 30-yanvardagi PF–16-son Farmoni bilan tasdiqlangan “O‘zbekiston — 2030” strategiyasini “Atrof-muhitni asrash va ‘yashil iqtisodiyot’ yili”da amalga oshirishga oid Davlat dasturi doirasida amalga oshirilmoqda.

↗️ Loyiha doirasida markaz hududida 5 qavatli zamonaviy bino barpo etilmoqda. Yangi majmuada 130 dan ortiq o‘rinli davolash bo‘limlari, gemodializ markazi, operatsion blok, qabul bo‘limi hamda zamonaviy laboratoriyalar tashkil etilishi rejalashtirilgan. Loyiha doirasida 4,2 mln AQSH dollari miqdoridagi mablag‘ jalb etilgani ma’lum qilingan.

🕯 O‘rganish davomida binoning 3-qavatida elektr-montaj ishlari olib borilayotgani, shuningdek, binoning tashqi qismi bazalt qoplamasi bilan qoplanayotgani ko‘zdan kechirildi. Qurilish-montaj ishlarining borishi va bajarilayotgan ishlarning loyiha talablariga muvofiqligi nazoratdan o‘tkazildi.

📇 Shuningdek, pudratchi tashkilot — “Shohruh Qurilish” MChJ mas’ullari bilan suhbat o‘tkazilib, obyektdagi ishlarning amaldagi holati yuzasidan ma’lumotlar olindi. Tashkilot vakillari ayni vaqtda mazkur obyektda 130 nafardan ziyod ishchi-xodim faoliyat olib borayotganini ma’lum qildi.

📝 O‘rganish yakunida qurilish ishlarini belgilangan loyiha talablari asosida sifatli tashkil etish, ishlarning borishini muntazam nazorat qilish hamda obyektni belgilangan muddatlarda foydalanishga topshirish yuzasidan mas’ullarga tegishli tavsiya va ko‘rsatmalar berildi.