Xalq deputatlari Bekobod shahar kengashi deputatlari 3-“Yoshlik” okrugi deputati S.Samatov va 22-“Taraqqiyot” okrugi deputati
O‘zXDP a’zosi J.Kamolxodjayev tomonidan Bekobod shahar 5-sonli umumta’lim maktabida kuz-qish mavsumiga tayyorgarlik holati o‘rganildi. Mazkur maktabda joriy yilning yoz mavsumida kapital ta’mirlash ishlari olib borilgan bo‘lib, isitish tizimi ham butunlay yangicha tizimga o‘tkazildi. Biroq, o‘rganish jarayonida yangi o‘rnatilgan isitish qozonlari ishchi holatga keltirilmagan va sinf xonalaridagi issiqlik reestrlariga issiqlik yuborish tizimiga ulanmagan. Buning ustiga Bekobod shahri kuchli shamol mintaqasiga oid bo‘lganligi uchun issiqlik qozonlari, quvurlari va gaz uskunasi atroflari devor bilan o‘ralmagan. Oqibatda qishning sovuq kunlari gazni o‘chib qolishi va issiqlikning behudaga sarflanishi mumkin. Yuqoridagilarni inobatga olib qurilish va ta’mirlash ishlariga mas’ul bo‘lgan shahar hokimligiga deputatlik so‘rovi bilan chiqilishi belgilandi.