Iste’mol bozori va oziq-ovqat xavfsizligi bo‘yicha deputatlik nazorati kuchaytirilmoqda

Qo‘shko‘pir tumanida iste’mol bozori va oziq-ovqat xavfsizligini ta’minlash borasidagi nazorat tadbirlari izchil davom etmoqda. Xalq deputatlari Qo‘shko‘pir tuman Kengashi deputati O.Artiqova mas’ul ishchi guruh a’zolari bilan birgalikda "Ko‘ktom" mahallasi hududida faoliyat yuritayotgan yakka tadbirkor X.Artiqovga qarashli oziq-ovqat do‘konida keng qamrovli o‘rganish o‘tkazdi.
O‘rganish jarayonida quyidagi masalalarga alohida e’tibor qaratildi:
·         Sifat va yaroqlilik muddati: Peshtaxtalardagi mahsulotlarning iste’molga yaroqlilik muddatlari va saqlash qoidalari qat'iy tekshirildi.
·         Narx barqarorligi: Aholining kundalik ehtiyoj mollari narxlarining asossiz oshirilishining oldini olish maqsadida narx-navolar monitoring qilindi.
·         Zaxira va ta’minot: Do‘konda oziq-ovqat mahsulotlarining yetarli miqdorda mavjudligi ko‘zdan kechirildi.
Bu kabi deputatlik va jamoatchilik nazorati tadbirlari fuqarolarning huquq va manfaatlarini himoya qilish hamda ichki bozorda narxlar barqarorligini saqlashga xizmat qiladi.