Xalq deputatlari Parkent tuman Kengashiga 23-“Nomdanak” saylov okrugidan saylangan deputat, tuman hokimi Po‘latov Elmurod To‘xtaboyevich Parkent tumanining Sumcha hududida 25 o‘ringa mo‘ljallangan yangi mehmon uyining ochilish marosimida nuroniylar, mahalla faollari hamda jamoatchilik vakillari bilan birgalikda ishtirok etdi.
  ✅Mazkur mehmon uyining tashkil etilishi hududning turistik jozibadorligini oshirish, tashrif buyuruvchi mehmonlar uchun zamonaviy va qulay sharoitlar yaratish yo‘lidagi muhim tashabbuslardan biridir.
 ✅ Deputat, tuman hokimi Po‘latov Elmurod To‘xtaboyevichning ushbu maskanning tashkil etilishi va faoliyat boshlashiga qaratayotgan e’tibori hamda tashabbusi Sumcha hududida turizmni rivojlantirish, mavjud imkoniyatlardan samarali foydalanish va yangi xizmat ko‘rsatish maskanlarini ko‘paytirishda muhim ahamiyat kasb etadi.
 ✅ Mehmon uyining o‘ziga xos jihatlaridan biri — uning ichida Milliy qadriyatlar muzeyi tashkil etilganidir. Muzeydan xalqimizning qadimiy urf-odatlari, milliy an’analari, turmush tarzi va boy madaniy merosini aks ettiruvchi turli eksponatlar joy olgan.
 ✅ Shu jihatdan, yangi maskan nafaqat mehmonlarni qabul qilish va ularga qulay sharoit yaratish, balki milliy qadriyatlarimizni keng targ‘ib etish, yosh avlod va sayyohlarga xalqimizning boy tarixi va madaniyatini namoyish etish uchun ham o‘ziga xos maskan bo‘lib xizmat qiladi.
 ✅  Mehmon uyining Sumcha hududida faoliyat boshlashi mahalliy turizmni rivojlantirish, hududning sayyohlik salohiyatini yanada oshirish, yangi ish o‘rinlari yaratish va aholi bandligini ta’minlash uchun qo‘shimcha imkoniyatlar yaratadi.
 ✅  Ochilish marosimida so‘zga chiqqanlar yangi maskan faoliyatiga muvaffaqiyat tilab, bu kabi tashabbuslar Sumchaning ijtimoiy-iqtisodiy rivoji, turizm salohiyatining yuksalishi va mahalliy aholining farovonligini oshirishga xizmat qilishini ta’kidladilar.
 🏐  Sumcha — tabiiy go‘zalligi, milliy qadriyatlari va mehmondo‘stligi bilan sayyohlarni o‘ziga chorlaydigan maskan. Yangi mehmon uyining faoliyati esa ushbu hududning turistik imkoniyatlarini yanada kengaytirishga xizmat qiladi.