Guliston mahallasida “Yoshlarga oid davlat siyosati to‘g‘risida”gi Qonun ijrosi o‘rganildi

Xalq deputatlari tumani Kengashi kotibiyat mudiri O'.Rajabov deputat sifatida mahalla yoshlar yetakchisi faoliyatida O‘zbekiston Respublikasining 2016-yil 14-sentabrdagi “Yoshlarga oid davlat siyosati to‘g‘risida”gi O‘RQ-406-sonli Qonunida belgilangan vazifalarning ijro etilishi holati o‘rganildi.

O‘rganish davomida mahallada yoshlarning huquq va qonuniy manfaatlarini ta’minlash, ularni qo‘llab-quvvatlash, bandligini ta’minlash hamda ta’lim va kasbiy tayyorgarlikka yo‘naltirish borasida amalga oshirilayotgan ishlar tahlil qilindi.

Ayniqsa, og‘ir toifadagi ishsiz yoshlar bilan manzilli ishlashga alohida e’tibor qaratilib, ularning xonadonlariga borib, yashash sharoitlari, bandlik holati, ehtiyoj va muammolari o‘rganildi. Yoshlar bilan suhbat davomida ularni qiynayotgan masalalar hamda taklif va tashabbuslar tinglandi.

Shuningdek, yoshlarni mavjud bo‘sh ish o‘rinlariga yo‘naltirish, kasb-hunar egallashiga ko‘maklashish va bandligini ta’minlash imkoniyatlari muhokama qilinib, aniqlangan muammolarni hal etish yuzasidan tegishli chora-tadbirlar belgilandi.