#Deputatlik_faoliyati #Kengash_sessiyasi #Open_byudjet

244-SONLI DAVLAT MAKTABGACHA TA’LIM TASHKILOTI QO‘SHIMCHA G‘OLIB DEB TOPILDI

🏫 Maktabgacha ta’lim — kelajak avlod tarbiyasining muhim poydevoridir. Shu bois maktabgacha ta’lim tashkilotlarining moddiy-texnik bazasini mustahkamlash, ularda bolalar uchun munosib sharoitlar yaratish va ta’lim-tarbiya sifatini yanada oshirish masalalari doimiy e’tiborda bo‘lishi muhim.

📑 O‘zbekiston Respublikasi Oliy Majlisi Senati Kengashining 2024-yil 30-yanvardagi KQ-666-IV-son qarori hamda O‘zbekiston Respublikasi Prezidentining 2025-yil 29-avgustdagi PQ-264-son qaroriga muvofiq, "Tashabbusli byudjet" loyihasining 2026-yil 2-mavsumi doirasida Uchtepa tumanida g'olib bo'la olmagan ID 055522968001 raqamli loyihadagi 244-sonli davlat maktabgacha ta’lim tashkiloti O‘zbekiston Respublikasi Oliy Majlisi Qonunchilik palatasi deputati D.G.Kamalova tomonidan qo‘shimcha g‘olib sifatida belgilandi.

📁 Mazkur masala yuzasidan xalq deputatlari Uchtepa tumani Kengashining tegishli qarori qabul qilindi.

🖥 Ushbu qarorning qabul qilinishi hududdagi maktabgacha ta’lim tashkilotini rivojlantirish, mavjud imkoniyatlardan samarali foydalanish hamda bolalar uchun yanada qulay va zamonaviy sharoitlar yaratish yo‘lidagi muhim amaliy qadam sifatida e’tirof etiladi.

👦 Har bir bola uchun munosib ta’lim va tarbiya sharoitini yaratish — umumiy mas’uliyatimiz. Deputatlik faoliyati doirasida bunday masalalarni ko‘tarish, ularning qonuniy va amaliy yechimini ta’minlash hamda qabul qilingan qarorlarning ijrosini nazorat qilish xalq vakillarining muhim vazifalaridan biridir.

🧠 Uchtepa tumanida ta’lim sohasidagi muhim tashabbuslarni qo‘llab-quvvatlash, ularning ijrosini nazorat qilish va aholi manfaatlarini ta’minlash borasidagi ishlar izchil davom ettiriladi.