Termiz shahrida aholi daromadlarini oshirish, oilalarni kambag‘allikdan chiqarish hamda fuqarolarning bandligini ta’minlash borasida amalga oshirilayotgan ishlar yuzasidan deputatlik nazorati davom ettirilmoqda.

Xalq deputatlari Termiz shahar Kengashining 1-“Temiryo‘lchi” saylov okrugi deputati X.Fayzullayev hamda Kengash kotibiyati bosh mutaxassisi R.Mamashukurov tomonidan “Temiryo‘lchi” mahallasida hokim yordamchisi faoliyati o‘rganildi.

O‘rganish davomida hokim yordamchisi tomonidan aholini kambag‘allikdan chiqarish, ishsiz fuqarolarni bandligini ta’minlash, oilalarning daromad manbalarini ko‘paytirish, tadbirkorlik faoliyatini yo‘lga qo‘yish hamda mavjud imkoniyatlardan samarali foydalanish borasida amalga oshirilayotgan ishlarning samaradorligi tahlil qilindi.

Shuningdek, kambag‘allikdan chiqarilishi belgilangan oilalar bilan individual ishlash, ularning muammolarini aniqlash, mavjud mehnat va tadbirkorlik salohiyatidan kelib chiqib daromad manbalarini yaratish hamda ko‘rsatilayotgan amaliy ko‘makning natijadorligi yuzasidan mas’ullar bilan fikr almashildi.

O‘rganish yakunlari bo‘yicha aniqlangan masalalarni bartaraf etish, aholini kambag‘allikdan chiqarish bo‘yicha belgilangan vazifalar ijrosini ta’minlash hamda hokim yordamchisi faoliyati samaradorligini oshirish yuzasidan tegishli tavsiya va topshiriqlar berildi.