Xalq deputatlari Oltinsoy tumani Kengashi tomonidan mahalla hududlarida obyektlar holati va kommunal xizmatlar samaradorligini oshirish maqsadida navbatdagi deputatlik nazorati tadbiri o‘tkazildi.

O‘rganish joyida — Bo‘ston mahallasida olib borilib, unda 12-“Bo‘ston” saylov okrugidan saylangan deputat, Kengash Kotibiyati mudiri M.Xujanov, tuman hokimining o‘rinbosari Sh.Mo‘minov hamda Kotibiyat bosh mutaxassislari A.Esanov va I.Roziqovlar qatnashdilar.

O‘rganish davomida asosiy e’tibor quyidagi masalalarga qaratildi:

Boshqaruv kompaniyalari faoliyati:

Boshqaruv servis kompaniyalari tomonidan ko‘p qavatli xonadonlarga ko‘rsatilayotgan xizmatlar sifati va rejalashtirilgan ishlarning ijrosi tahlil qilindi.

Ko‘p qavatli uylar holati: Uylarning ichki yo‘laklari (pod’ezdlar), yerto‘la qismlari va tutash hududlarning sanitariya-gigiyena holati, tozaligi hamda tungi yoritish tizimlarining sozligi ko‘zdan kechirildi.

Aholi va mas’ullar bilan muloqot: Joylardagi obyektlar, jumladan savdo va xizmat ko‘rsatish shoxobchalari Dorixona binosi atrofi, tutash hududlar obodonchiligi hamda tegishli lojiha-reja hujjatlari mas’ullar va mutaxassislar ihtirokida batafsil muhokama qilindi.

O‘rganish natijalari bo‘yicha aniqlangan kamchiliklarni bartaraf etish va ko‘p qavatli uylarga xizmat ko‘rsatish sifatini yanada yaxshilash yuzasidan tegishli mas’ullarga ko‘rsatmalar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz