Yoshlar bilan ochiq muloqot — bayram shukuhi va huquqiy bilim

🎉 Sherobod tumani “Katta hayot” mahallasida joylashgan “Edikeyshin” o‘quv markazida Mustaqilligimizning 35 yilligiga bag‘ishlangan ma’naviy-ma’rifiy tadbir bo‘lib o‘tdi.

🤝 Tadbirda tuman Adliya bo‘limi boshlig‘i R. Berdiyev, “Madad” NNT bosh mutaxassisi S. Ochilov, Xalq deputatlari Sherobod tumani Kengashi kotibiyati bosh mutaxassisi Sh. Xo‘janazarovlar ishtirok etdi.

🇺🇿 Tadbir davomida yoshlar bilan samimiy va ochiq muloqot o‘tkazilib, ularning bayram kayfiyati, kelgusidagi rejalari hamda orzu-maqsadlari bilan qiziqildi.

📚 Shuningdek, yoshlarning huquqiy savodxonligini oshirish, o‘z huquq va majburiyatlarini yaxshi bilishlari, huquqiy masalalarda to‘g‘ri yo‘l tutishlari yuzasidan tushuntirishlar berildi.

❓ Yoshlarni qiziqtirgan savollar tinglanib, ularga mutaxassislar tomonidan batafsil javoblar berildi.

🌟 Bunday ochiq muloqotlar yoshlarning huquqiy bilimlarini oshirish, ularning jamiyatdagi faolligini kuchaytirish hamda kelajakka bo‘lgan ishonchini mustahkamlashda muhim ahamiyat kasb etadi.

🇺🇿 Yoshlar — yurt kelajagi! Ularning bilimli, huquqiy savodxon va faol bo‘lib voyaga yetishi — taraqqiyotimizning muhim garovidir!

Xalq deputatlari Sherobod tumani Kengashi kotibiyati matbuot xizmati.