Xalq deputatlari tuman Kengashi deputati X.Raximovning saylov okrugi hududida joylashgan Yoshlik mahallasida aholi uchun qulay sharoit yaratish, ichki yo‘llar holatini yaxshilash va hudud infratuzilmasini rivojlantirish borasida amalga oshirilgan
ishlar o‘rganildi. Xalq deputatlari viloyat Kengashi deputati G.Bobojonova hamda Kengash kotibiyati bosh mutaxassisi G.Abduvositova mahallada yangidan asfalt qilingan ko‘chalarni ko‘zdan kechirdilar. O‘rganish jarayonida Yoshlik mahallasi raisi Sh.Komilov tomonidan hududda amalga oshirilgan ishlar, yangi asfalt yotqizilgan ko‘chalarning holati hamda mahalla
aholisi uchun yaratilgan qulayliklar haqida batafsil ma’lumot berildi. Yangi asfaltlangan ko‘chalar, avvalo, mahalla aholisining kundalik harakatlanishi uchun qulaylik yaratib, transport vositalari harakatini yaxshilash, yo‘llarda xavfsizlikni ta’minlash hamda hududning obodon qiyofasini yanada yaxshilashga xizmat qiladi. Tashrif davomida amalga oshirilgan ishlar sifati, ko‘chalarning obodonlashtirilishi va aholi uchun yaratilgan sharoitlar atroflicha o‘rganildi. Shuningdek, mahallada mavjud muammolarni bosqichma-bosqich bartaraf etish, infratuzilmani yanada yaxshilash va aholi murojaatlarini inobatga olgan holda amaliy ishlarni davom ettirish muhimligi ta’kidlandi. Bunday amaliy ishlar mahallalarda obodonlikni ta’minlash, aholi turmush sharoitini yaxshilash va fuqarolarning munosib hayot kechirishi uchun zarur shart-sharoitlarni yaratishga xizmat qilmoqda.