Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan tumanda yoshlarga oid davlat siyosatining amalga oshirilishi, “Yoshlarga oid davlat siyosati to‘g‘risida”gi Qonun ijrosining ta’minlanishi, bitiruvchilarning oliy ta’lim muassasalariga kirish ko‘rsatkichlarining 2 yillik tahlili hamda ijtimoiy soha obyektlarining kuz-qish mavsumiga tayyorgarligi masalalari yuzasidan hududlarda o‘rganish ishlari davom etmoqda.
Mazkur yo‘nalishlar doirasida Xalq deputatlari Pastdarg‘om tumani Kengashi deputati M.Altibayeva tomonidan Buyuk Turon MFY hududida joylashgan 124-sonli umumta’lim maktabida o‘rganish ishlari olib borildi.
O‘rganish davomida maktabda yangi o‘quv yiliga tayyorgarlik jarayonlari, obodonlashtirish ishlari olib borilgan sinfxonalarning holati ko‘zdan kechirildi. Maktab rahbariyati va o‘qituvchilar bilan suhbat o‘tkazilib, ta’lim jarayoni, mavjud muammolar hamda kelgusidagi vazifalar yuzasidan fikr almashildi.
O‘rganish jarayonida maktabdagi asosiy muammolardan biri sifatida 2023-yilda yangi maktab binosiga o‘rnatilgan quyosh panellarining hozirga qadar elektr tarmog‘iga ulanmagani va foydalanishga topshirilmagani aniqlandi.
Mazkur masala deputat tomonidan nazoratga olinib, tegishli mutasaddi tashkilotlar bilan hamkorlikda muammoni bartaraf etish, quyosh panellaridan samarali foydalanishni yo‘lga qo‘yish bo‘yicha takliflar kiritilishi belgilandi.