Xalq deputatlari Shirin shahar Kengashi raisi U.Xaydarov tomonidan tadbirkorlik subyektlari hamda shahar hududidagi bozorlarda aholi iste'moli uchun eng zarur bo'lgan oziq-ovqat mahsulotlarining narx-navosi, mahsulotlarning yetarliligi, sifati va savdo xizmatlari holatini o'rganish maqsadida monitoring o'tkazildi.
O‘rganish jarayonida muddati o‘tgan mahsulotlar borligi aniqlandi. Aniqlangan holatlar yuzasidan tegishli mas’ullarga kamchiliklarni bartaraf etish, iste’molchilar xavfsizligini ta’minlash hamda savdo faoliyatini amaldagi qonunchilik talablari asosida tashkil etish bo‘yicha tegishli tavsiyalar berildi.
Shuningdek, tadbirkorlik subyektlariga oziq-ovqat mahsulotlarini saqlash shartlariga rioya qilish, mahsulotlarning yaroqlilik muddatini muntazam nazorat qilib borish va aholi uchun sifatli hamda xavfsiz mahsulotlar savdosini yo‘lga qo‘yish zarurligi tushuntirildi.