❗️Шымбай районында пуқаралардың турмыс дәрежесин жақсылаў, аймақлар инфраструктурасын раўажландырыў бағдарындағы әмелий жумыслардың даўамы сыпатында «Таза жол» аўыл пуқаралар жыйыны аймағында "Бир мәҳәлле - бир баслама" акциясы шеңберинде нәўбеттеги әмелий илаж өткерилди.

♻️ Илажда Халық депутатлары Шымбай районлық Кеңеси баслығы О.Толыбеков «Таза жол» АПЖ аймағында болып, аймақта әмелге асырылып атырған қурылыс жумыслары менен жақыннан танысты.

«Таза жол» АПЖ аймағындағы Таза жол көшеси «Ашық бюджет» порталының 2026-жыл 1-басқышында 2390 даўыс жыйнап, жеңимпаз деп табылған еди. Мине бүгин «XALQABAD UNIVERSAL XIZMET MTP» ЖШЖ тәрепинен 1,5 млрд. қаржы есабынан Таза жол көшелериниң 2 километрден аслам ишки жолына асфальт төсеў жумыслары алып барылмақта. Усы жойбардың әмелге асырылыўы нәтийжесинде аймақ турғынлары ушын көп жыллық машқала өз шешимин таўып, пуқаралар ушын қәўипсиз, заманагөй ҳәм қолайлы қатнаў инфраструктурасы жаратылмақта.

Илаж соңында депутат тәрепинен қурылыс-оңлаў жумысларын техникалық талапларға сай ҳәм сапалы жуўмақлаў бойынша усыныслар билдирилди ҳәм депутатлық қадағалаўға алынды.