Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat A.Mannobov tumanning “G‘azalkent” mahallasida fuqarolar qabulini o‘tkazdi. Qabul davomida aholini qiynab kelayotgan ijtimoiy-iqtisodiy masalalar yuzasidan murojaatlar tinglanib, ularni qonuniy hal etish bo‘yicha amaliy choralar belgilandi.

Qabulda asosiy e’tibor aholi bandligini ta’minlash, ishsiz fuqarolarni doimiy ish o‘rinlariga joylashtirish imkoniyatlarini kengaytirish, shuningdek, ijtimoiy himoyaga muhtoj oilalarga moddiy va amaliy ko‘mak ko‘rsatish, ijtimoiy nafaqa va yordamlarni rasmiylashtirish, ehtiyojmand fuqarolarni qo‘llab-quvvatlash yuzasidan murojaatlar bildirildi.

Qabul davomida fuqarolar bilan ochiq muloqot o‘tkazilib, ularga huquqiy tushuntirishlar berildi. Aholi murojaatlarini o‘z vaqtida ko‘rib chiqish, ularning muammolariga yechim topish hamda ijtimoiy himoyasini kuchaytirish deputatlik faoliyatining ustuvor yo‘nalishlaridan biri ekanligi ta’kidlandi.