Fuqarolar murojaatlari joyiga chiqib o‘rganildi

Xalq deputatlari Termiz tuman Kengashi bosh mutaxassisi T. Murodov 5-Uchqizil saylov okrugi deputati Sh. Norsayev saylangan Uchqizil MFY hududidagi Bog‘zor ko‘chasida fuqarolar bilan uchrashib, ularning murojaat va takliflarini o‘rgandi.

Uchrashuv davomida fuqarolar tomonidan mazkur ko‘chada ichimlik suvi ta’minoti bilan bog‘liq muammo mavjudligi bildirildi. Ta’kidlanishicha, ko‘cha yaqinidan asosiy ichimlik suvi quvuri o‘tgan bo‘lsa-da, Bog‘zor ko‘chasiga tarmoq tortilmaganligi sababli aholi ichimlik suvi ta’minotida qiyinchiliklarga duch kelmoqda.

Fuqarolar ushbu ko‘chaga ichimlik suvi quvurini o‘tkazishda amaliy yordam ko‘rsatilishini so‘rab murojaat qildilar.

Bildirilgan murojaat tegishli tartibda qayd etilib, mas’ul tashkilotlar bilan hamkorlikda o‘rganish hamda ijobiy hal etish yuzasidan tegishli choralar ko‘rish belgilandi.