Islohotlar ijrosida deputatlar faol hamkorlik qiladi

📎 Xalq deputatlari Olmazor tumani Kengashi sessiyasida 30-Chustiy saylov okrugi deputati Baxriddin Nurmatov tomonidan Prezidentimizning joriy yil 4-iyul kuni Toshkent shahri Sergeli tumanida o‘tkazilgan yig‘ilish hamda Nurafshon shahrida so‘zlagan nutqlarida belgilab berilgan ustuvor vazifalar yuzasidan munosabat bildirildi.

📌 Ta'kidlanganidek, davlatimiz rahbari tomonidan mahalliy hokimiyat organlari, mas'ul tashkilotlar va mahalla tizimi oldiga qo‘yilgan vazifalarning to‘liq hamda sifatli ijrosini ta'minlash bugungi kunning eng ustuvor vazifalaridan biridir.

✅ Deputat o‘z so‘zida tuman hokimligi, mahalla fuqarolar yig‘inlari raislari hamda barcha mas'ul tashkilotlarga mazkur islohotlarni amalga oshirishda muvaffaqiyat tilab, Xalq deputatlari Olmazor tumani Kengashi deputatlari ushbu jarayonda faol hamkor va samarali deputatlik nazoratini amalga oshiruvchi subyekt sifatida ishtirok etishini ta'kidladi.

Shuningdek, Olmazor tumanini yangi tizim asosida rivojlantirishning 2026–2027-yillarda amalga oshiriladigan strategik yo‘nalishlari bo‘yicha islohotlarni hayotga tatbiq etish chora-tadbirlar rejasining yuzasidan amalga oshirilayotgan ishlarni har chorak yakunida Xalq deputatlari Olmazor tumani Kengashi sessiyalarida ko‘rib borish, mas'ul rahbarlarning hisobotlarini eshitish yuzasidan deputatlik nazoratini yanada kuchaytirish taklifi ilgari surildi.

⚡️ Bizni ijtimoiy tarmoqlarda kuzatib boring!