Xalq deputatlari Qo‘qon shahar Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi a’zolari tomonidan Qo‘qon shahar Yuqumli kasalliklar shifoxonasida davlat tomonidan bepul ajratiladigan dori-darmon vositalarini saqlash holati yuzasidan o‘rganish ishlari olib borildi.

O‘rganish davomida dori-darmon vositalarining belgilangan tartibda qabul qilinishi, saqlanishi, hisobini yuritish holati hamda ularning bemorlarga o‘z vaqtida va maqsadli yetkazib berilishi yuzasidan amalga oshirilayotgan ishlar atroflicha tahlil qilindi.

Xususan, dori vositalarini saqlash omborlarida zarur harorat va sanitariya-gigiyena talablariga rioya etilishi, yaroqlilik muddatlari ustidan nazorat, zaxiralar holati hamda bepul beriladigan dori-darmonlarning maqsadli sarflanishi ko‘zdan kechirildi.

Shuningdek, bepul dori vositalari ta’minotini yanada takomillashtirish, ularning hisobini yuritishda shaffoflikni ta’minlash hamda fuqarolarning sifatli tibbiy xizmatlardan foydalanish imkoniyatlarini kengaytirish yuzasidan mas’ullar bilan fikr almashildi.

Xalq deputatlari Qo‘qon shahar Kengashi