Deputatlik nazorati:
Xalq deputatlari tuman Kengashi deputati F.Xatamov tomonidan Shodlik mahallasi hududida aholi va yoshlarning sport bilan shug‘ullanishi uchun yaratilgan shart-sharoitlarni o‘rganish maqsadida 24 ta masala yuzasidan nazorat-tahlil tadbirlari amalga oshirildi.
O‘rganishlar davomida sport inshootlarining holati, ulardan aholi foydalanishi, 74-sonli umumta’lim maktabining sport zali, undagi sport anjomlari va jihozlarining mavjudligi, ularning texnik holati atroflicha tahlil qilindi.
Nazorat jarayonida aniqlangan holatlar yuzasidan mavjud imkoniyatlardan samarali foydalanish, sport infratuzilmasini yanada yaxshilash, yoshlarni ommaviy sportga keng jalb etish bo‘yicha tegishli taklif tavsiyalar ishlab chiqildi.Deputatlik nazorati doirasida bunday o‘rganishlar sog‘lom turmush tarzini targ‘ib qilish hamda yoshlarning bo‘sh vaqtini mazmunli tashkil etishga xizmat qiladi.