Xalq deputatlari Dehqonobod tuman Kengashi deputati, kotibiyat mudiri G‘. Xo‘jamqulov, Xalq deputatlari tuman Kengashi deputati S. Abdirayimov, tuman Kengashi kotibiyati bosh mutaxassisi T. Mardonov hamda O‘zbekiston Ekologik partiyasi Dehqonobod tuman Kengashi raisi A. Xolov Oqrobot mahallasi xodimlari bilan hamkorlikda Oqrobot mahallasi binosida uchrashuv va davra suhbati o‘tkazdi.

Tadbir davomida atrof-muhitni muhofaza qilish, hududlarda sanitariya va ekologik holatni yaxshilash, chiqindilarni belgilangan tartibda to‘plash va olib chiqish, yashil hududlarni kengaytirish hamda aholi o‘rtasida ekologik madaniyatni yuksaltirish masalalari muhokama qilindi.

Shuningdek, mahalla hududlarida tozalikni saqlash, obodonlashtirish ishlarini yanada jadallashtirish, daraxt va butalarni asrash, suv resurslaridan oqilona foydalanish hamda fuqarolarning ekologik mas’uliyatini oshirish bo‘yicha fikr almashildi.

Uchrashuvda ekologik muammolarni bartaraf etish, aholi salomatligi va qulay yashash muhitini ta’minlashda davlat organlari, jamoatchilik hamda siyosiy partiyalar hamkorligining muhim o‘rni alohida ta’kidlandi.

Tadbir yakunida mahalla hududida ekologik barqarorlikni ta’minlash, sanitariya holatini yaxshilash va obodonlashtirish ishlarini tizimli tashkil etish yuzasidan tegishli taklif va tavsiyalar bildirildi hamda bu boradagi hamkorlikni yanada kuchaytirishga kelishib olindi.