Qabul qilingan qarorga muvofiq, “Yoshlar daftari” jamgʻarmasi mablagʻlari hisobidan tadbirni tashkil etish bilan bogʻliq xarajatlar uchun 55 million soʻm mablagʻ ajratilishi belgilandi.

Mazkur mablagʻlar sahna bezaklari, bannerlar tayyorlash, monitor xizmati, ovoz kuchaytirgich va yoritish uskunalari, shuningdek, tadbir ishtirokchilari uchun logotipli kepka va futbolkalar xarid qilish xarajatlarini moliyalashtirishga yoʻnaltiriladi.

Ushbu tadbir yoshlarning intellektual salohiyatini yuksaltirish, boʻsh vaqtini mazmunli tashkil etish, ularning ijtimoiy faolligini oshirish hamda “Besh muhim tashabbus” doirasidagi ishlarni yanada kengaytirishga xizmat qiladi.