Umid MFY I. Karimov ko‘chasidagi daraxt holati o‘rganildi

Xalq deputatlari Navoiy shahar Kengashi deputati Tashaeva Shaxnoza xizmat safarida bo‘lganligi sababli, belgilangan reja-grafikka asosan Xalq deputatlari Navoiy shahar Kengashi kotibiyati bosh mutaxassisi M. Astanova tomonidan joyiga chiqib o‘rganish ishlari olib borildi.

O‘rganish jarayonida Umid mahalla fuqarolar yig‘ini hududida, I. Karimov ko‘chasi 86a-uy oldi tomoni hududida joylashgan gujum daraxtining holati ko‘zdan kechirildi.

Mazkur daraxtning keskin qiyshayib qolganligi, uning fuqarolar uchun xavf tug‘dirishi mumkinligi aniqlanib, xavfsizlik darajasi yuqori ekani qayd etildi.

Shu munosabat bilan hududda yashovchi fuqarolar xavfsizligini ta’minlash, kutilishi mumkin bo‘lgan noxush holatlarning oldini olish maqsadida tegishli choralar ko‘rish zarurligi ta’kidlandi.

O‘rganish davomida bunday holatlarni muntazam nazorat qilib borish, yashil hududlardagi daraxtlarning holatini baholash hamda xavfli vaziyatlarning oldini olish yuzasidan zarur tavsiyalar ishlab chiqildi.

Ta’kidlanishicha, fuqarolar xavfsizligini ta’minlash va hududlarni obodonlashtirish ishlari doimiy e’tiborda bo‘ladi
hamda bu yo‘nalishdagi ishlar izchil davom ettiriladi.