Mahalla yettiligi faoliyati va qonun ijrosi: Uzun tumanida o‘rganishlar davom etmoqda

Do‘stlik mahallasida aholi muammolarini hal etish va qonunchilik talablarining bajarilishi joyiga chiqqan holda o‘rganildi.

Xalq deputatlari Uzun tumani kengashi kotibiyati mudiri O‘.Rajabov tomonidan tumanidagi "Do‘stlik" mahallasida keng qamrovli o‘rganish ishlari olib borildi.

O‘rganishning asosiy yo‘nalishi
mahalla yettiligi faoliyati, mahalladagi hokim yordamchisi, xotin-qizlar faoli, yoshlar yetakchisi, profilaktika inspektori, soliq inspektori va ijtimoiy xodimning o‘zaro hamkorligi hamda aholi murojaatlari bilan ishlash tizimi tahlil qilindi.

Hududda qonun ustuvorligini ta’minlash, qonunchilikda belgilangan vazifalarning hayotga tatbiq etilish holati va ijro intizomi batafsil ko‘rib chiqildi.

"Mahallabay ishlash tizimining samaradorligi va qonunlarimizning joylardagi ijrosi — aholi farovonligini ta’minlashning bosh mezonidir."

O‘rganish yakunlari bo‘yicha aniqlangan kamchiliklarni bartaraf etish, mahalla yettiligining ish samaradorligini yanada oshirish hamda qonun ijrosini qat'iy ta'minlash yuzasidan mas’ullarga tegishli tavsiya va topshiriqlar berildi.