Xalq deputatlari Oqoltin tumani Kengashi kotibiyati bosh mutaxassisi U.Kenjayev hamda tuman Kengashi deputati D.Egamqulovalar tomonidan "Dolzarb 90 kun" dasturi doirasida 3-sonli umumta'lim maktabida tashkil etilgan yozgi bolalar oromgohi faoliyati bilan tanishildi.

O‘rganish jarayonida oromgohda bolalarning mazmunli hordiq chiqarishi, bo‘sh vaqtlarini samarali tashkil etish, sport va madaniy-ma'rifiy tadbirlarga jalb etish bo‘yicha yaratilgan sharoitlar ko‘zdan kechirildi. Shuningdek, bolalarning xavfsizligi, ovqatlanish sifati hamda mashg‘ulotlarning tashkil etilishiga alohida e'tibor qaratildi.

Tashrif davomida mas'ullar bilan suhbat o‘tkazilib, yozgi oromgoh faoliyatini yanada takomillashtirish, bolalarning qiziqish va iste'dodlarini rivojlantirishga qaratilgan tadbirlarni kengaytirish yuzasidan fikr-mulohazalar bildirildi.