📍 Xalq deputatlari Guliston shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi yig‘ilishi bo‘lib o‘tdi.

📌 Yig‘ilishda Guliston shahar mahalliy budjetining 2026-yil boshiga aniqlangan erkin qoldiq mablag‘lari hisobidan mablag‘ ajratish to‘g‘risidagi hamda 2025-yil 2-mavsum va 2026-yil 1-mavsum “Tashabbusli budjet” jarayonlari yakunlariga ko‘ra g‘olib deb topilgan loyihalarni moliyalashtirish uchun “Fuqarolar tashabbusi jamg‘armasi” mablag‘larini yo‘naltirish bo‘yicha Kengash qarori ijrosi yuzasidan masalalar ko‘rib chiqildi.

📈 Muhokamalar davomida shahar Iqtisodiyot va moliya bo‘limining mas’ul xodimi Ozodbek Abduraxmonov tomonidan mazkur masalalar yuzasidan amalga oshirilgan ishlar, ajratilishi rejalashtirilayotgan mablag‘lar hamda qarorlar ijrosi bo‘yicha hisobot va takliflar o‘qib eshittirildi.

📝 Komissiya a’zolari tomonidan bildirilgan taklif va mulohazalar asosida tegishli tavsiyalar ishlab chiqilib, kun tartibidagi masalalarni Kengashning navbatdagi sessiyasiga kiritsh ma`qullandi hamda tegishli qarorlar qabul qilindi.

✅ Budjet mablag‘larining maqsadli va samarali sarflanishi hamda “Tashabbusli budjet” doirasidagi loyihalarning o‘z vaqtida va sifatli amalga oshirilishi doimiy nazoratda bo‘lishi ta’kidlandi.