📌 OILAVIY TADBIRKORLIK BO‘YICHA HUQUQIY TUSHUNCHALAR BERILDI

📍 Xalq deputatlari Sherobod tuman Kengashining 2-Zarabog‘ saylov okrugi deputati X. Xojidinov tomonidan “Vandob” mahallasi Sherjon qishlog‘ida saylovchilar bilan uchrashuv o‘tkazildi.

📖 Uchrashuv davomida fuqarolarga O‘zbekiston Respublikasining 2012-yil 26-aprelda qabul qilingan “Oilaviy tadbirkorlik to‘g‘risida”gi O‘RQ-327-son Qonuni mazmun-mohiyati batafsil tushuntirildi.

💡 Deputat tomonidan ta’kidlanganidek, ushbu qonun oilaviy tadbirkorlikni rivojlantirish, aholi bandligini ta’minlash hamda fuqarolarning daromad manbalarini kengaytirishga xizmat qiladi. Oilaviy biznesni yo‘lga qo‘yish orqali fuqarolar o‘z uy sharoitida ham qonuniy faoliyat yuritib, barqaror daromadga ega bo‘lishlari mumkin.

👨‍👩‍👧‍👦 Shuningdek, uchrashuvda:

• oilaviy tadbirkorlikni tashkil etish tartibi;

• davlat tomonidan berilayotgan imtiyoz va qo‘llab-quvvatlash mexanizmlari;

• yoshlar va ayollar bandligini oshirishdagi ahamiyati kabi masalalar yuzasidan ham batafsil ma’lumotlar berildi.

❓ Tadbir yakunida fuqarolar o‘zlarini qiziqtirgan savollar bilan murojaat qilishdi va ularga mutaxassislar tomonidan tushuntirishlar berildi.

📊 Bunday uchrashuvlar aholi huquqiy savodxonligini oshirish hamda tadbirkorlik tashabbuslarini qo‘llab-quvvatlashga xizmat qiladi.