O‘zbekiston Respublikasi Prezidentining PK–49-sonli qarori ijrosini ta’minlash doirasida mazkur hududni obodonlashtirish, aholi uchun qulay infratuzilma yaratish, yashil maydonlar va dam olish maskanlarini tashkil etish bo‘yicha keng ko‘lamli ishlar rejalashtirilgan.

 Bu borada shahardagi Jambul va Saxovat mahallalari hududida joylashgan, uzoq yillar davomida qarovsiz holatda bo‘lib kelgan maydonlarni obod va zamonaviy hududga aylantirish ishlari izchil amalga oshirilmoqda.

 Shu munosabat bilan hududda istiqomat qiluvchi fuqarolar bilan ochiq muloqot o‘tkazilib, ularning taklif va mulohazalari hamda mavjud muammolar yuzasidan murojaatlari tinglandi.

Uchrashuv davomida aholi tomonidan bildirilgan fikrlar loyihani yanada takomillashtirish va hududni fuqarolar manfaatlariga mos ravishda obod qilishda muhim ahamiyat kasb etishi ta’kidlandi.