Sog‘lom turmush tarzi – jamiyat ko‘rki

Xalq deputatlari Termiz tuman Kengashi ish rejasiga muvofiq, hududlarda aholi salomatligini mustahkamlash va sog‘lom turmush tarzini ommalashtirishga qaratilgan targ‘ibot tadbirlari davom etmoqda.

Navbatdagi uchrashuv "Nuroniy" jamg‘armasi tuman bo‘limida deputatlar K. Abdullayeva va Sh. Norsayev ishtirokida tashkil etildi. Samimiy ruhda o‘tgan davra suhbatida quyidagi masalalarga alohida urg‘u berildi:

Nuroniylar – sog‘lom hayot targ‘ibotchisi: Mahallalarda sog‘lom muhitni shakllantirishda keksalarimizning shaxsiy namunasi va o‘gitlari muhim ekanligi qayd etildi.

Kasalliklarning oldini olish: To‘g‘ri ovqatlanish, jismoniy tarbiya va tibbiy madaniyatni yuksaltirish orqali aholi o‘rtasida kasallanish ko‘rsatkichlarini kamaytirish choralari muhokama qilindi.

Deputatlik tashabbusi: Hududlarda sport maydonchalaridan samarali foydalanish va aholi, ayniqsa yoshlar o‘rtasida ommaviy sport tadbirlarini muntazam o‘tkazish bo‘yicha takliflar ilgari surildi.

Muloqot yakunida nuroniylar tomonidan ko‘tarilgan ijtimoiy masalalar deputatlik nazoratiga olindi.