O‘rganish jarayonida mahalla raisi tomonidan O‘zbekiston Respublikasi Prezidentining 209-son Farmoni doirasida amalga oshirilayotgan ishlar, aholini ijtimoiy qo‘llab-quvvatlash, muammolarni aniqlash va ularni bartaraf etish borasidagi faoliyatga alohida e’tibor qaratildi.

Shuningdek, mahallada kambag‘allikni qisqartirish, bandlikni ta’minlash, ehtiyojmand oilalarni qo‘llab-quvvatlash, yoshlar va xotin-qizlar bilan ishlash hamda hududda olib borilayotgan obodonlashtirish ishlari yuzasidan amalga oshirilayotgan tadbirlar muhokama qilindi.

O‘rganish yakunida mavjud muammolarni tizimli hal etish, aholi bilan manzilli ishlash samaradorligini oshirish hamda Prezident Farmoni ijrosini ta’minlash bo‘yicha tegishli tavsiya va takliflar bildirildi.