Plenumda tuman kengashi a’zolari, O‘zbekiston Xalq demokratik partiyasi tuman kengashi deputatlari va tuman ijroiya qo‘mita a’zolari ishtirok etdi. Plenum kun tartibida tuman kengashi va deputatlarning 2025 yildagi faoliyati hamda 2026 yildagi rejalar to‘g‘risida so‘z yuritilib, qarorlar qabul qilindi. 

Shuningdek, Plenumda deputatlarning o‘z okruglarida partiya dasturida belgilangan vazifalarning ijrosini ta’minlash hamda o‘tkaziladigan Kengash sessiyalariga masalalar kiritishda yanada faollik ko‘rsatishlari ta’kidlandi.

 O‘zbekiston Xalq demokratik partiyasi o‘z dasturiy maqsadlarini, avvalo, O‘zbekiston mustaqilligini asrash va mustahkamlash, Vatanimizning gullab-yashnashi, mamlakatda ijtimoiy barqarorlik, fuqarolar va millatlar o‘rtasidagi hamjihatlik, har bir oila hamda xalqning farovonligiga erishish kabi umummilliy manfaatlar ustuvorligiga asoslanib belgilaydi.